Am 30. August 2025 fand der Swiss Jump Cup in Bubendorf statt.
Nach der gewohnten Speed Disziplin begann das neueingeführte «Wheel Battle». Je zwei Personen bereiteten eine 30 Sekunden Show auf Musik vor und traten dann gegen ein anderes Zweierteam an. Die Jury entschied anschliessend, wer eine Runde weiterkommt und wer ausscheidet.
Am Nachmittag ging es ans Verteidigen unserer vielen Long Rope Siegen – unser Verein ist besonders gut in dieser Disziplin. Auch dieses Jahr war es ein Erfolg, dank den neuen Springerinnen und den freiwilligen Eltern, die auch mitsprangen. 😉
Der Tag war ein Erfolg und brachte viele schöne Momente und Highlights:
Valérie
Bim Werte vo de «Eltern und Kind Disziplin» isch es mega schön gsi d Dynamik vo de jeweilige Eltern und Kinder gseh. Stolz sii ufenand oder au zämme über s Ahänke lache.
Chiara, Mila und Olivia
Bim Wheel Battle chöne teilnäh und au de andere Teams zueluege.
Delia
S Wettkampfs-Feeling hani mega cool gfunde. Es isch min erste Wettkampf gsii und ich freu mich scho uf de nächsti.
Carmela
Alli zämme i eim Seil gumpe und debi «SCHOGGII» rüefe.
Fabienne
Bim Wheel-Battle zueluege und nach em Wettkampf euse gwunnene Zopf mit Ovo Chrunchy esse.
Lena & Sarina
Euse erste Wettkampf isch mega cool gsii, vor allem, dass mir alli zämme im Langseil gumped sind.
Lena
Mir händ es Kompliment vom gegnerische Team bim Wheel Battle becho!
Leila
Als Team uf em Podest stoh isch s schönste gsii.
Nach diesem erfolgreichen und schönen Tag, den wir als Verein geniessen durften, freuen wir uns schon auf den nächsten Swiss Jump Cup, der nächstes Jahr am 19. September 2026 bei uns stattfinden wird. Also jetzt schon das Datum vormerken damit du auch dabei sein kannst!
